EП Полска: Периќ очекува победа против Македонија

Македонија и Србија во меѓусебен дуел (вторник 18:15) ќе решаваат која од двете селекции покрај Франција и Полска, од А групата, ќе мине во наредната фаза на 12-то Европско првенство во раскомет.

 

Двете селекции, во првите две кола забележаа порази ви дуелите со Франција, односно Полска. Македонија од Франција загуби со 23:30, а од Полска со 23:24, додека Србите запишаа пораз од Полска 28:29, а потоа загубија убедливо од Франција 26:36.

 

„Јас како селектор, заедно со играчите, морам да најдам начин како да ја поминеме групата, и како да ја исполниме целта, а тоа е пласман на Олимписките игри“, рекол Дејан Периќ, селекторот на Србија за интернет страницата на националниот сојуз.

 

Според Периќ, детали ќе решаваат која од двете репрезентации ќе оди во наредната фаза. Македонија е во нешто подобра положба бидејќи и со нерешен резултат ќе го освои третото место.

 

„Моите играчи против Македонија ќе излезат со голема желба и мотив за да забележат победа. Ќе бидеме подготвени да одговориме на агресивната игра на Македонците, очекувам голема борба на секој дел од теренот. Лазаров е вистински лидер на тимот, од него се започнува, тој е вистински егзекутор. Имаат квалитетни пикери, тука се Миркуловски и Мојсовски, можат да решат детали, но и некој поединец“, дополнил Периќ.