Експлозија во близина на центарот на Кабул, најмалку 15 ранети

Силна експлозија одекна во близина на центарот главниот град на Авганистан при што се повредени најмалку 15 луѓе.

Според портпарол на Министерството за внатрешни работи Насрат Рахими експлозијата се случи утрово во населбата Пули Махмуд Кан.

По експлозијата регистрани се и рафални истрели од огнено оружје. Засега никој не презеде одговорност за експлозијата.

Нападот се случува два дена откако почна седмата рунда преговори меѓу САД и талибанците во Катар во обид да се најде излез од конфликтот пред претседателските избори во септември во Авганистан.