Дефект во компјутерскиот систем на „Делта ерлајнс“ низ цел свет

Американската авиокомпанија „Делта ерлајнс“ денеска соопшти дека нејзиниот компјутерски систем е во дефект низ цел свет, поради што илјадници патници со часови чекаат во редици да се пријават за летовите, кои морале да бидат одложени.

- Нашите системи секаде се во дефект. Се надеваме дека брзо ќе почнат да функционираат, се наведува во соопштението на „Делта ерлајнс“, објавено на Твитер.

Патниците преку социјалните мрежи го пријавиле одложувањето на летовите на многу аеродроми, меѓу кои и лондонскиот „Хитроу“, како и аеродромите во Токио, Лос Анџелес, Рим, Рејкјавик.