Aнкета на ИПСОС: Рејтинг на ВМРО-ДПМНЕ 19%, СДСМ 9%, ДУИ 6%, Левица 5%

Рејтингот на партиите, според последната анкета направена од ИПСОС, покажува водство на ВМРО-ДПМНЕ со 19% пред СДСМ кој има 9%. Рејтингот на другите партии е следен: ДУИ 6%, Левица 5%, Алијанса на Албанците 2%, Беса 1%, ДПА 1%, Алтернатива 1%.

На прашањето „Дали го поддржувате францускиот предлог“, 61,8% од испитаниците одговориле „не“, а 25,1% одговориле „да“.

Претседателот на ВМРО-ДПМНЕ, Христијан Мицкоски има највисок рејтинг меѓу политичарите според резултатите од анкетата. Прашани да ја оценат работата на политичарите со оценка од 1 до 10, најголем дел од анкетираните висока оценка дале за Мицкоски. Неговата работа е оценета со 7, додека премиерот Димитар Ковачевски од граѓаните добил оцена 4. Со тројка е оценета работата на Димитар Апасиев и на Али Ахмети.

Нарачател на анкетата е ВМРО-ДПМНЕ. Анкетата е правена на терен од 2 до 21 септември 2022 година на репрезентативен примерок на над 1.000 испитаници.