15-годишен чирак со остар предмет го нападнал синот на газдата на берберница во Арачиново

Малолетник бил физички нападнат со остар предмет во берберница во скопското село Арачиново, информираат од Министерството за внатрешни работи.

Според полицијата, на 11 март 2026 година во 20:15 часот во СВР Скопје, Б.Р. (41) од село Арачиново пријавил дека околу 13:30 часот во берберница во селото, по претходна расправија, неговиот 14-годишен син бил нападнат од 15-годишник.

Двајцата малолетници работеле како чираци во берберницата, а при инцидентот напаѓачот употребил и остар предмет.

Од полицијата соопштија дека се преземаат мерки за целосно расчистување на случајот.