-->
-->
Зошто е Џордан тажен и фрустриран?!
-->
Еден од најдобрите кошаркари во историјата, Мајкл Џордан, порача дека повеќе не може да молчи во врска со жестоките тензии меѓу афроамериканците и полицијата во САД, донирајќи два милиона долара за две здруженија.
„Тажен сум и фрустриран поради поделбите и расните тензии коишто во последно време стануваат полоши и полоши. Знам дека оваа земја е многу повеќе од тоа и не можам повеќе да молчам. Мораме да најдеме решение за луѓето со црна кожа да имаат еднаков и праведен третман, а полицајците, кои ги ризикуваат животите за да нé заштитат, поддршка и почитување“, напиша легендарниот Мајкл Џордан во отворено писмо објавено во американските медиуми.
Расните тензии во САД дополнително пораснаа на почетокот од јули кога полицајци убија двајца афроамериканци во сојузните држави Луизијана и Миенсота, а потоа во два одмазнички напада беа убиени вкупно осум полицајци во Далас и во Батон Руж.
Човекот кој со Чикаго Булс освои шест титули во најсилната кошаркарска лига на светот – NBA, во писмото изразува надеж дека во американското општество ќе се случат „конструктивни промени и мирен меѓурасен дијалог“.
Донираше два милиона долари на двете асоцијации кои го промовираат разбирањето меѓу полицајците и граѓаните.
„Таа сума не е доволна да се решат проблемите, но се надевам дека ќе помогнат работите да се променат на подобро“, додава Џордан.
-->
-->
-->
Ново на Сител
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата