Живот
7. March 2018 - 18:23

Зоолошка градина критикувана поради неодговорност кон животните

Активисти на групата за заштита на правата на животните денеска повторно ја критикуваа индонезиската зоолошка градина Бандунг позната по малтретирање на животните, откако се појави видео во кое еден од нивните орангутани пуши цигара.

Активистот Марисон Гучиано изјави дека на видео снимка видел уште еден доказ дека во зоолошката градина Бандунг не постои надзор.

Во видеото едно момче фрла половина испушена цигара кај орангутанот кој потоа ја зема и ја пуши, додека насобраните луѓе гледаат и се смеат.

Весниците неколку пати пишуваа за таа зоолошка градина како ги изгладнува животните.

Петицијата change.org, со која се повикува на затворање на зоолошката, досега има милион потписници.

Портпаролот на Бандунг, Сулхан Сајафи изрази жалење поради инцидентот и додаде дека полицијата е известена за настанот.