Жестоки критики во Србија поради предизборен спот на Вучиќ во кој се појавува малолетно девојче
Претседателот на Србија, Александар Вучиќ, на својот профил на Инстаграм објави ново предизборно видео, поради кое навлече жестоки критики затоа што во видеото се појавува девојче.
Опозицијата дури побара реакција од надлежните институции и забрана за емитување на спотот.
Во видеото, Вучиќ и девојчето зборуваат за патишта, градинки и училишта, но и за заминувањето на српските граѓани во странство.
Претседателот на Србија го прашува малолетното дете за нејзиниот татко кој работи во странство и раскажува за негови планови.
Партијата за слобода и правда (ССА) побара од Регулаторниот орган за електронски медиуми (РЕМ) да го забрани емитувањето на новото видео, нагласувајќии дека Вучиќ шокантно злоупотребува малолетно дете во политички цели, со што ги стави сите деца во Србија во позиција да станат негови медиумски жртви.
Движењето „Еден од пет милиони“ бара и забрана за емитување на спотот, оценувајќи дека таквото „брутална злоупотреба“ на деца во политички цели е карактеристично само за „диктаторските режими и дека е невидено во поновата историја“.
Вучиќ најави дека ќе го повлече видеото доколку надлежните органи така одлучат.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри