Женската ракометна репрезентација се подготвува за квалификацискиот турнир

Женската ракометна репрезентација на Македонија ги одработува подготовките за претстојниот настап во квалификациите за Светското првенство 2017 година. Македонија се наоѓа во групата 3 заедно со селекциите на Австрија, Исланд и Фарските Острови (домаќин на групата).

 

Селекторот Симе Симовски тренинзите ги одржува во СЦ „Јане Сандански“, а репрезентацијата за Фарските Острови ќе замине во четврток од Скопје за Истанбул преку Копенхаген до Торшавн.

 

- Направена е стратегија со Ракометната федерација на Македонија и ќе се обидеме да направиме резултат. Се наоѓаме во интересна група, во која како фаворити се селекциите на Австрија и на Исланд, додека енигма ни е селекцијата на Фарските Острови за која немаме никаков видео материјал.

 

Во првото коло Македонија во петок (2 декември) игра со домаќинот Фарски Островски, следниот ден ривал е селекцијата на Австрија и во третото коло против Исланд.

 

Двете првопласирани селекции ќе играат во баражот за Мундијалот.