Зголемени коефициентите на сложеност на работа во градинките, платите поголеми за 2 проценти

Владата на денешната седница ја усвоила Информацијата за зголемување на коефициентите на сложеност на работите  во детските градинки, со што септемвриската плата, која се исплаќа во октомври ќе биде зголемена линеарно за 2 проценти.

- На предлог на Министерството за труд и социјална политика ја Владата ја разгледа и ја усвои Информацијата за зголемување на коефициентите на сложеност на работите во јавните установи за деца - детски градинки. Со оваа одлука, почнувајќи од септември 2017 година, платата која ќе биде исплатена во октомври 2017 година, ќе биде линерно зголемена за 2 проценти. Средствата за оваа намена се обезбедени во Буџетот за 2017 година, соопшти владината служба за информирање.