Зголемена побарувачка на претпријатијата за кредити во првиот квартал
Во првото тримесечје од годинава забележано е зголемување на вкупната побарувачка на корпоративни кредити, а банките укажуваат на натамошен раст на побарувачката.
Во анкетата на НБРМ банките посочиле дека на зголемената побарувачка најмногу влијаела потребата од финансирање, односно инвестициите во основни средства, во залихи и обртен капитал и преструктуирање на долгот.
Банките напоменуваат на олеснување на кредитните услови, при што 27 отсто од банките оцениле дека промените на монетарната политика не влијаат врз нивната каматна политика при одобрување на корпоративните кредити.
Побарувачката за кредити кај домаќинствата забележува намалување кај потрошувачките, а зголемување за станбените кредити.
Банките упатуваат и на олеснување на условите за одобрување на кредитите кое е поизразено кај потрошувачките кредити. - Најголем процент од банките укажуваат на непроменета каматна стапка и кај станбените и кај потрошувачките кредити. Поголема промена во однос на претходната анкета се забележува кај провизиите на станбените кредити, кои по подолг период на нето-олеснување, во првиот квартал од 2018 година минимално се заострени, посочуваат во анкетата.
И во однос на каматната политика при одобрување на кредитите кај домаќинствата во анкетата најголем дел од банките посочиле дека монетарната политика има незначително влијание.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите