Зголемен број нови случаи на Ковид-19 во Грција и на Кипар
Во Грција веќе втор ден бројот на нови регистрирани случаи на Ковид-19 е над 50, додека пак на Кипар првпат по подолго време има двоцифрен број на новозаразени, јави дописничката на МИА од Атина.
Националната организација за јавно здравје на Грција соопшти 57 нови случаи, од кои десет се од направените тестови на влезните точки во земјата, а бројот на заразени лица се зголеми на 4.336.
Според грчките медиуми, од денешните нови случаи, најмногу се во областа Атика, поширокиот дел на Атина- 18 случаи, а 11 се во Солун.
Вчера во Грција беа регистрирани 52 нови случаи на наспроти изминатите денови, кога просекот на дневни позитивни случаи на коронавирусот беше околу 30 заразени лица.
Зголемен број дневни случаи има и на Кипар, каде што по подолго време е регистриран двоцифрен број на новозаразени, додека во изминатите седмици бројката се движеше од нула до најмногу шест случаи дневно.
Министерството за здравство на Кипар, попладнево соопшти дека во изминатите 24 часа од направени 1.725 тестови, потврдени се 13 нови случаи, односно 1.080 од почетокот на епидемијата.
За само два дена, вчера и денеска, на Кипар има 20 нови случаи, наспроти вкупно 29 во претходните 11 дена.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати