Зеленски: Разговорите со американскиот пратеник ја вратија надежта за договор со САД
Украинскиот претседател Володимир Зеленски вети дека Киев ќе работи брзо на изготвување на силен договор за инвестиции и безбедност со САД, нагласувајќи дека средбата со специјалниот пратеник на Вашингтон за Украина и Русија, Кит Келог, „ја вратила надежта“ за успех.
– Средбата со генерал Келог ја врати надежта. Ни требаат цврсти договори што навистина ќе функционираат. Наредив да се работи брзо и без пристрасност, изјави Зеленски во своето вечерно обраќање.
Тој додаде дека деталите се клучни: „Колку подобро се изготвени, толку подобар ќе биде резултатот“.
Средбата се одржа ден откако Зеленски и американскиот претседател Доналд Трамп си разменија обвинувања, во време кога Вашингтон и Москва преговараат за крај на тригодишната војна без присуство на Киев на тие разговори.
По средбата, Зеленски на социјалната мрежа Икс напиша дека „Украина мора да обезбеди стабилен и траен мир – така што Русија никогаш повеќе да не може да ја обнови оваа војна“.
– Украина е подготвена за силен и ефикасен договор за инвестиции и безбедност со американскиот претседател. Нашиот тим е подготвен да работи деноноќно, изјави Зеленски.
Разговорите со Келог следеа откако Киев го одби првичното американско барање за експлоатација на ретки минерали во Украина.
Зеленски додаде дека фокусот на средбата бил состојбата на фронтот, безбедносните гаранции што ги бара Киев и размената на украинските воени заробеници.
„Важно е Украина и целиот слободен свет да ја почувствуваат силата на Америка“, напиша тој на Икс.
Ново на Сител
-
Кривична за сопственик на фирма, работник без работна дозвола се заглавил во работна машина и починал
-
Лишен од слобода албански државјанин на ГП „Блато“, понудил поткуп на полицаец
-
ОЈО отвори истрага против 21-годишен скопјанец, во претрес на таванска просторија во зградата каде живеел пронајдена дрога и оружје
-
Малолетник нападнат од неколку лица на автобуска станица во Центар
-
Муцунски: Посветени сме на реформите, но очекуваме и Брисел да го исполни она што го вети кон Западниот Балкан
-
Бесент: Мислам дека Путин е воен злосторник, но со него треба да преговараме
-
Чешкиот претседател ги гледа истите елементи во денешниот свет што ја предизвикаа Втората светска војна
-
Директор на „Колекторски систем“ во Охрид го оштетил претпријатието за скоро 3 милиони денари