Зеленски: Одземени државјанствата на неколку поранешни политичари
Украинскиот претседател Володимир Зеленски вчера им го одзеде државјанството на неколку поранешни влијателни политичари, како најнов потег за „прочистување“ на земјата од проруски влијанија.
-Денеска ги потпишав соодветните документи за да направам уште еден чекор во заштитата и чистењето на нашата земја од оние кои се на страната на агресорите, рече Зеленски за време на ноќното видео обраќање.
Зеленски не сакаше да ги именува, но рече дека имаат двојно руско државјанство.
Според украинските државни медиуми, на списокот има неколку водечки политичари од кабинетот на Виктор Јанукович, кој беше проруски претседател на Украина од 2010 година до неговото отстранување од функцијата во 2014 година.
На списокот се најдоа и Дмтро Табачник, поранешен министер за образование и наука, Андреј Кјуев, поранешен вицепремиер и шеф на администрацијата на Јанукович и Виталиј Захарченко, поранешен министер за внатрешни работи, објавија украинските медиуми.
Од почетокот на руската инвазија врз Украина, на 24 февруари минатата година, украинското раководство им го одзеде украинското државјанство на голем број лица и санкционираше стотици руски и белоруски поединци и компании.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп