Заврши заложничката драма во Москва, напаѓачот уапсен
Московската полиција го уапси непознатиот маж кој во зградата на „Алфа Банка“ во центарот на рускиот главен град држеше како заложници повеќе од пет лица. Во инцидентот немало жртви, објавија руските медиуми.
– Единицата за специјални операции изврши упад во филијалата на „Алфа Банка“ и го уапси напаѓачот кој се закануваше дека ќе активира експлозив, изјави неименуван извор за агенцијата ТАСС, додавајќи дека лицето кај себе имало лажна експлозивна направа.
Изворот наведува дека киднаперот е со „нарушено ментално здравје“ и ќе биде испратен на медицинско набљудување.
Непознат маж влезе во филијалата на „Алфа Банка“ во Москва и држеше како заложници најмалку пет луѓе, заканувајќи се дека ќе активира бомба, изјави за ТАСС извор од службата за вонредни ситуации.
Полицијата соопшти дека напаѓачот при влезот во банката имал кај себе кеса од компанијата за доставување храна Delivery Club, изјавувајќи дека во неа има бомба. Руските медиуми објавија дека тој бил облечен во униформа на компанијата, но од таму наведуваат дека немаат информација оти нивни работник држи заложници.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп