Затворите во Романија имаат недостиг од 8.500 места
Системот на затворите во Романија има дефицит од 8.500 места, кога се земаат предвид барањата на законодавството во областа на човековите права дека секој уапсен има право да располага со минумим четри метри квадратни, изјави заменик-генералниот директор на Националната администрација на затворите Дан Халкин.
Тој забележа дека најлесно решение за покривањето на тој дефицит е изградба на дополнителни блокови во веќе постоечките институции за задржување, а не создавање на нови затвори.
- Во споредба со минатата година има потреба од поголем буџет, наменет за инвестиции. Имаме дефицит од 8.500 места за сместување, ако ја земеме предид површината од четири квадратни метри, според стандардите наложени од Европскиот суд за човекови права, посочи Халкин.
- Изградбата на нови блокови во рамките на веќе постоечките институции е полесниот пристап. Нема да има потреба од вработување на дополнителен персонал, за разлика од варијантата со изградбата на нови затвори на други места, каде за секој би требало по најмалку 300 вработени, истакна заменик-генералниот директор на Националната администрација на затворите во Романија.
Халкин додаде дека основниот проблем со кој се соочил системот на затворите минатата година, бил недостаток на персонал поради масовниот одлив на кадри.
Темата за недостиг на местата во затворите во Романија стана актуелна откако министерот за правда Флорин Јордаке ја истакна како мотив за усвојување на вонреден декрет за помилување на илјадници осудени.
Проектот предизвика мноштво критики и масовни протести во целата земја.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање