-->
-->
Започна фестивалот на креативни индустрии „Скопје креатива“
-->
Под мотото „Поврзиме со креативност“ вчеравечер во СРЦ „Плаја Виста“ под Кале започна петтиот фестивал на креативни индустрии „Скопје креатива 2016“ во организација на ЈУ Конгресен центар „Александар Македонски“ под покровителство на Град Скопје.
Според организаторите годинешното фестивалско издание кое ќе трае до 11 јуни 2016 година ќе понуди над 60 настани во вид на изложби, презентации, предавања, работилници, панел дискусии, форуми, дебати и богата музичката програма.
Како што соопшти Град Скопје во својата програмска определба во последните 5 години се насочува кон сé поголема поддршка и иницирање нови активности за развој и поттикнување на креативните индустрии, меѓу кои, големо место зазема и организирањето на фестивалот „Скопје креатива“. За реализацијата на овој фестивал градот од својот буџет за 2016 година има издвоено средства во висина од 2.500.000 денари.
Оваа година на Скопје Креатива 2016 учествуваат дизајнери на 34 поп-ап продавници со свои лични изработки на модни додатоци, накит, филигран и предмети за дома. Првпат учествуваат 16 домашни излагачи избрани на јавен повик, презентирајќи се со свои лични проекти кои се наменски насочени запазувајќи ја природата на Фестивалот. Дел од Фестивалот е резервиран и за претставување на проектот ИнфоМлади@Креативни – кои ќе се презентираат во пет различни области: филм, мода, веб апликации, макети и кулинарство. Забавната програма ќе продолжи со музичките гости – групата ТИ(Србија) и Foolish Green (Македонија) со свои концерти, како и музичките сесии на ДиџејАдо и ДиџејШурбе, задолжени за вечерна забава на фестивалската публика.
-->
-->
-->
Ново на Сител
-
Експерти: Лидерската е вовед во политички дијалог, но без големи очекувања
-
Teма на денот со Ивон Величковски
-
Мицкоски и Филипче на чекор до лидерска средба
-
Мицкоски: Милошоски и Филков имале само лош ден што треба да заврши
-
Негативно мислење за разрешувањето на обвинителот Коцевски
-
Дали повисоки казни ќе спречат трагедии како Кочани?
-
Клиниката за физикална медицина се подготвува да ги прими првите пациенти од пожарот во Кочани за рехабилитација
-
На чекор сме до генерален штрајк во цела држава, предупреди ССМ на протестот за повисоки плати