Запленети 55,5 кг канабис и оружје - разбиена група која шверцувала дрога и оружје од Македонија во Грција
Во акција на грчката полиција во Солун и Кукуш биле уапсени три лица, грчки државјани, членови на криминална мрежа што од Македонија во Грција пренесувала оружје и дрога. Запленети се 55,5 килограми суров канабис, автоматска пушка, митралез и 139 куршуми, а идентификуван е уште еден член, јави дописничката на МИА од Атина.
Поконкретно, како што соопштија од грчката полиција, непознати членови на групата, во Грција од Македонија внеле три торби со канабисот и оружјето, кои му ги предале на еден од уапсените, а тој, во поширокиот регион на Кукуш, торбите им ги предал на другите двајца уапсени.
Уапсените, со две возила се упатиле накај со Солун, со цел да му ги предадат торбите на четвртото лице кое е идентификувано, но не е уапсено, меѓутоа биле спречени од полицијата.
Тројцата грчки државјани се товарат за внесување и транспорт на дрога и оружје, а полицијата пронашла и одзела 55,5 килограми суров канабис, една автоматска пушка, еден митралез, 139 куршуми, три возила, 3.350 евра и мобилни телефони.
Уапсените биле изведени пред јавен обвинител, а истрагата продолжува за пронаоѓање на останатите членови на криминалната мрежа.
Ново на Сител
-
Во општина Гостивар гласале над 20 илјади граѓани
-
До 15 часот во Велес излезеноста 38,93 отсто, во Чашка 37, а во Градско 41,64
-
МВР: Регистрирани пет нови инциденти при гласање ширум државата
-
Оваа година поголем одзив до 15 часот во споредба со 2019
-
Излезеноста во Куманово до 15 часот 33 проценти, во Липково 25, во Старо Нагоричане 35
-
Излезеноста на изборите до 15 часот во Дебар 22, во Центар Жупа 13,11 отсто
-
Во Новаци гласале повеќе од половина жители, најмала излезност во Центар Жупа
-
Излезноста до 15 часот е 35,89 отсто