Заменик-префектот на Кукуш апелира до граѓаните да ги ограничат патувањата во Македонија
Повик до жителите на регионалната единица Кукуш (Килкис) да ги прекинат или да ги сведат на минимум патувањата во Северна Македонија, испраќа заменик-префектот Андреас Вергидис, јави дописничката на МИА од Атина.
Во писмената изјава, но и говорејќи за грчката телевизија „Мега“, ја изразува неговата загриженост за зголемениот број случаи на Ковид-19, како на Балканот така и во нашата земја, и ја истакнува потребата да се спроведат одредени мерки или контроли на грчката страна од двата гранични премини Дојран и Евзони за жителите на пограничните делови кои често патуваат во Северна Македонија.
– Грција не дозволува влез во земјата за државјани на Северна Македонија поради големото ширење на вирусот, меѓутоа жителите не само на регионалната единица Килкис, туку и од соседните региони, заминуваат на кратки посети во соседната земја, главно во градовите блиску до границата, факт што ги предупредува надлежните дека може да има увезување на вирусот, вели Вергидис.
Со ист повик, минатата седмица, како што објави МИА, излезе и градоначалникот на Лерин (Флорина), кој побара од жителите на општината, патувањата кај нас да ги сведат на минимум, само доколку е неопходно.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар