Заев: Владата ќе биде покровител на прославата на 70-годишниот јубилеј на Националниот сојуз на глуви и наглуви лица
Измени на Законот за знаковен јазик од 2009 година, а подоцна и негово целосно имплементирање, побара денеска претседателот на Националниот сојуз на глуви и наглуви лица на Македонија Васко Марков на средбата во Владата на РМ со премиерот Зоран Заев кој рече дека неправдата кон глувите и наглуви лица мора да биде исправена.
Како што соопшти владината прес-служба на премиерот Заев голем дел од проблемите на глувите и наглуви лица му се познати. Тој од нив побарал листа на барања кои ги има Сојузот, а со чие исполнување во значителна мера ќе се олесни животот на лицата со оштетен или со изгубен слух.
Посочувајќи дека ги застапуваат правата на околу 6.500 глуви и наглуви лица во Македонија, претседателот на Сојузот, Марков во име на 18-те општински здруженија, побара лицата кои целосно го изгубиле слухот да имаат право на нови помагала, на товар на државата.
Во исто време, претседателот на Сојузот ја искористи денешната средба и од премиерот побара владата да биде покровител на прославата на 70-годишниот јубилеј на Сојузот на глуви и наглуви лица, кој ќе се одбележи наесен следната година.
- Се радувам што денешната средба доаѓа во пресрет на 3 декември – Меѓународниот ден на лицата со попреченост. Ќе сториме се за да ги решиме вашите проблеми еден по еден. Пренесете им на сите лица со оштетен или со изгубен слух, кои се ваши членови, дека јас сум нивен пријател. И затоа со огромно задоволство ќе помогнеме од вашата прослава до година да бидат задоволни сите, истакна премиерот Заев.
Ново на Сител
-
Поставен штанд на партија во Шуто Оризари, расфрлани летоци во Чаир, агитирање...
-
ОДИХР со над 300 набљудувачи на гласачките места низ земјава, заклучоците ќе ги соопшти утре
-
До 11 часот во Прилеп гласале 18,09 за претседателските, 18,19 за парламентарни
-
Излезност до 11 часот во Тетово, 7,04 отсто за претседателски, за парламентарни 10,81
-
Кавадарци со 16,10 отсто излезност до 11 часот
-
Прегазена жена на регионалниот пат Струмица - Валандово
-
Излезноста до 13 часот за претседателски избори е 12,87% , за парламентарни 13,69
-
На ГП Ќафасан спречен шверц на 53,3 килограми марихуана, чија крајна дестинација била Македонија