Заев се сретна со лидерот на новоформираната Партија на Македонците во Србија
Претседателот на СДСМ, Зоран Заев денеска оствари средба со претседателот на новоформираната Партија на Македонците во Србија, Горан Илијевски.
На средбата, како што соопшти СДСМ, се разговарало за актуелната ситуација на малцинските партии во Србија, нивното учество на следните избори во Србија и положбата на Македонците во соседните држави.
Заев изразил очекување дека Македонците во Србија ќе придонесат за напредок на државата во којашто живеат, но и за зајакнување на врските со Македонија.
- Очекувам да се зајакнат врските со Македонија и взаемно да се градат односите помеѓу двете земји. Ви посакувам да имате успех во вашата убава мисија за сите нас. Сметајте на нас, ја имате нашата поддршка, рекол претседателот Заев.
Претседателот на новоформираната Партија на Македонците истакнал дека само со унапредување на добрососедските односи може да се зајакне улогата на Македонците во соседните држави.
- Мораме да ги подобруваме и негуваме односите со нашите соседи. Само со унапредување на меѓусоседските односи можеме да ги јакнеме позициите на Македонците во земјите во коишто живеат, посочил Илијевски.
Ново на Сител
-
Најмногу дожд во Виница 32 литри на квадрат, најстудено на Попова Шапка минус три степени
-
ЦУК апелира на внимателност поради влошувањето на временските услови
-
Затворен аеродромот Манадо поради ерупција на индонезискиот вулкан Руанг
-
Надал: Нема повеќе да се натпреварувам во Барселона
-
Ред Бул има намера да го задржи Перез во 2025 година и да го врати Албон во 2026 година
-
Нов „Блек шарк“ прстен на „Шјаоми“
-
Стартува трката за пратеници, уште пет дена претседателска кампања
-
Во Брисел продолжува дијалогот меѓу Белград и Приштина за употребата на динарот во Косово