Заев се надева на решение за името до средината на годината
Премиерот Зоран Заев очекува до средината на годината да се најде решение за 25-годишниот спор за името со Грција и на Самитот на НАТО во јуни да биде активирана поканата за членство на Република Македонија.
Во изјава за бугарската телевизија „Нова“, Заев вели дека евентуалното решение ќе треба да биде одобрено на референдум.
- Референдумот треба да биде дополнителна гаранција и за нашите пријатели од Република Грција бидејќи со тоа дефинитивно ќе се тргнат сите сомнежи, а народот ќе стои зад решението кое ќе биде прифатено. Убеден сум дека Македонците се подготвени за тоа. Но, се уште сме во преговори и се надевам дека решението ќе го сочува достоинството на граѓаните и на Грција и на Република Македонија, истакнува Заев.
Тој додава дека „заедно со јужните соседи од Грција прават се да се отвори внатрешна дебата и да се изнајде решение прифатливо и за двете страни“.
- Се надевам дека ќе се дојдеме до решенија кои се доволно прифатливи и за двете страни заради тоа што на крајот решението мора да го сочува достоинството и идентитетот на двете земји. Само така се градат пријателства и тоа мора да биде на една трајна и одржлива основа. Сето ова го кажувам заради тоа што ако бидеме паметни и мудри порано да го решиме проблемот, ќе успееме да ги фатиме и ваквите перспективи на овие одлуки, вели Заев.
Ново на Сител
-
Годишни извештаи за 2023 на неколку институции пред собраниската Комисија за политички систем
-
При претрес во Ресенско пронајдена дрога, приведен дваесетгодишник | ФОТО
-
Почна гаснењето на големиот пожар на планината Огражден, во близина на границата со Бугарија
-
Мицотакис: Грција нема да ги открие оружјата што ѝ се на располагање доколку соседната земја продолжи со актуелната тактика
-
ВМРО-ДПМНЕ ги отфрли обвинувањата на СДСМ оти понудата за заем од Унгарија е под неповолни услови
-
ЦУК: Армискиот хеликоптер почна со гасење на пожарот на планината Серта
-
Портокалово ниво на опасност од високи температури, Владата со препораки до граѓаните
-
Голем антивладин протест во Тирана, фрлани молотови коктели врз владата и градскто собрание