Заев: МВР-ВМРО времето заврши
На новинарското прашање во врска со обвинувањата од страна на ВМРО-ДПМНЕ поврзани со Вибер групи на вработени во полицијата, Заев истакна дека како претседател на Владата, го потврдува тоа што го потврди и Министерството. односно дека нема никакви докази за систем организиран преку МВР. Даден е налог, информира тој, луѓе вработени во МВР, доколку создавале такви групи, внатрешна контрола и сите релевантни служби да го обелоденат тоа комплетно заради тоа што секој може да создаде своја приватна група.
– МВР-ВМРО заврши времето. Ниту некој размислува во тој правец, ниту има потреба од такви работи. Имаме исклучително фер, слободни и демократски избори. Видовме дека не се точни обвинувањата оти се носат црни вреќи во Битола, кога се отвораат црните вреќи гледате количка за детенце, додаде премиерот Заев.
Тој порача дека таквите обвинувањата нема да поминат, затоа што, како што истакна, нема потреба ниту кој било политички субјект, поголем или помал, да размислува во таков правец.
– Победници на изборите сме сите, доколку имаме фер, слободни и демократски избори, додаде Заев.
Тој апелираше да се води заедничка грижа во вториот круг од Локалните избори и во текот на кампањата, денот на молкот и секако на денот на изборите. Според него, најголема одговорност е на владејачките партии од коалицијата, кои ги повика будно да следат и да бидат одговорни за да иаме фер, слободен и демократски изборен процес.
Ново на Сител
-
Мицкоски: Треба да се провери дали има кривична одговорност за пописот
-
Од есен нова инвестиција од 36 милиони евра во индустриската зона Штип, вработувања за 150 лица
-
УЈП ја започнува дигиталната трансформација на даночниот систем со е-Фактура
-
Во првото тримесечје од годинава, 391 новоевидентирани жртви на насилство во земјава
-
Две лица сакале да му пратат дрога по пошта на затвореник во КП Штип
-
Попладне и вечер облачно со краткотрајен пороен дожд
-
Марта Кос во понеделник и вторник во Скопје на средба со лидерите од Западен Балкан
-
Српски државјани повредени откако возило излетало од патот Неготино - Демир Капија