Заев денеска ќе ги достави предлозите за нови министри и заменици-министри
Премиерот Зоран Заев денеска се очекува да ги достави до Собранието предлозите за испразнетите министерски места во Владата. Засега, не се знае кога ќе се одржи пленарната седница на која би се избрале новите министри и заменици-министри.
Како што вчера најави Заев по седницата на Централниот одбор, за нов министер за финансии е предложена Нина Ангеловска, за заменик-министер за образование и наука Елизабета Наумовска, а за нов заменик-министер за економија е предложен Кире Колемишевски бидејќи сегашниот заменик-министер Кире Наумов заминува на нова функција односно ќе биде директор на Македонската банка за поддршка и развој. За заменик-министер на новото Министерство за политички систем и односи со заедниците е предложен Неџат Мехмедовиќ.
Министерското место за финансии беше испразнето откако со реконструкцијата на Владата беше разрешен министерот за финансии Драган Тевдовски. Со Министерството за финансии, како што тогаш најави, раководеше премиерот Заев, но ваквата негова одлука наиде на реакции од опозицијата, како и од Антикорупциската комисија, по што тој кажа дека со овој ресор ќе раководи додека не биде избран нов министер.
Заменичкото место во Министерството за образование и наука, пак, беше испразнето по оставката на заменик-министерот Петар Атанасов.
Ново на Сител
-
Трипуновски: Излегуваме во пресрет на земјоделците, ќе ја направиме проценката за да се обноват површините зафатени од невремето
-
Во Скопје синоќа 92 сообраќајни прекршоци, 50 санкционирани возачи на мотоцикл
-
Најмалку 104 лица го загубија животот, а 28 се повредени во поплави во источниот дел на ДР Конго
-
Филков: Со новиот Закон за Судски совет воведуваме јасни критериуми и механизми за одговорност
-
Истрага за сообраќајна несреќа во Чаир во која има едно лице повредено
-
Приведен 29-годишен маж во Куманово, крадел предмети од црква
-
Укината забраната во Барселона и Тарагона за излегување надвор поради токсичен чад после пожар
-
Со секира ги нападнал родителите, таткото починал - приведен маж од кичевско