За еден месец за 4,11 отсто зголемен бројот на невработени лица во Грција
Бројот на невработени лица во Грција, кои бараат работа, за еден месец се зголемил за 4,11 отсто, покажуваат најновите статистички податоци на грчката Организација за вработување на работна сила.
Во јуни, биле регистрирани 858. 069 лица, а во јули, 35. 241 повеќе, со што бројот на оние кои бараат работа достигнува до 893. 310, од кои 34,39 отсто се мажи, а 65,61 отсто жени, jави дописничката на МИА од Атина.
Од регистрираните невработени, најголем број (38,31 отсто) се на возраст од 30 до 44 години, грчки државјани (89,63 отсто), со завршено средно училиште (43,71 отсто).
Бројот на невработени во Грција се зголемил за 7,91 отсто, споредбено со лани за истиот период.
Во Организацијата за вработување на работна сила на Грција се регистрирани и 76. 891 лица кои иако се невработени, сепак не бараат работа.
Ново на Сител
-
Хунтата во Мјанмар им забранува на мажите да аплицираат за работа во странство
-
При претрес приведен дилер од Битола
-
Јунајтед ќе го продолжи договорот со Гринвуд
-
Алонсо по победата над Рома: Сè беше прилично јасно, навистина настапивме на високо ниво
-
Генералштаб на Украина: Руските сили ги интензивираа нападите кон Авдејево
-
Најстудено на Попова Шапка и во Лазарополе, најмногу дожд во Виница
-
100 санкционирани возачи во Скопје
-
Велипеток - најтешкиот ден во годината