ОН: За 13 милиони Сиријци потребна e хуманитарна помош

ОН денеска соопштија дека за 13 милиони Сиријци е потребна итна помош, и покрај тоа што насилствата се намалени изминатите неколку месеци.

- Во седмата година од кризата сериозноста за помош во Сирија останува непроменета. На околу 13 милиони жители во Сирија им е потребна хуманитарна помош. Најмалку 5,6 милиони лица имаат итна потреба од помош, се наведува во извештајот на Канцеларијата на ОН за координација на хуманитарни прашања.

Според ОН, регистрирано е намалување од 2016 година, кога бројот на луѓе, на кои им била потребна помош во Сирија била 13,5 милиони. Во извештајот се додава дека 40 отсто од оние, на кои им е потребна итна помош, се деца, кои се наоѓаат во области каде тешко се доставува хуманитарна помош.