Македонија
30. April 2018 - 14:50

За 1 Мај сончево со локален дожд и температура до 31 степен

Времето утре ќе биде сончево со мала до умерена облачност, попладне во планинските предели ќе има краткотраен слаб дожд. Ќе дува слаб до умерен јужен ветер, информираат од УХМР.

Утринската температура ќе се движи од шест до 13, а дневната од 21 до 31 степен.

Во Скопје слично време, сончево со мала до умерена облачност. Ќе дува слаб до умерен јужен ветер. Утринската температура ќе се спушти до 11, а дневната ќе се искачи до 29 степени.

Во наредните два дена времето ќе биде претежно стабилно и топло, само во планинските предели ќе има услови за краткотраен дожд. Во среда ќе дува умерен, а во четврток и засилен југоисточен ветер. Од четврток следува период на променливо облачно и нестабилно време со повремени врнежи од дожд кои локално ќе бидат поројни проследени со грмежи. Повеќе врнежи се очекуваат во четврток и во сабота, особено во западните делови од државата.