Вучиќ со Ескобар и Лајчак: Време е Приштина да ги исполни обврските, пред се формирање на ЗСО
Претседателот на Република Србија, Александар Вучиќ, кој вчера во Белград се сретна со специјалниот претставник на Европската унија за дијалог меѓу Белград и Приштина, Мирослав Лајчак и специјалниот пратеник на САД за Западен Балкан, Габриел Ескобар, порача дека сака да верува дека оној дел од меѓународната заедница кој има најголемо влијание врз Приштина има механизми кои можат да доведат до конечно реализирање на обврските кои Приштина ги прифати и потпиша пред повеќе од една деценија, јави дописникот на МИА од Белград.
„Порачав дека е време Приштина конечно да ги исполни своите обврски, а пред сè формирање на Заедницата на српските општини во согласност со Бриселскиот договор“, напиша Вучиќ во објавата на својот Инстаграм профил.
Тој потсети дека Србија од првиот ден беше конструктивен, доследен и доверлив партнер во сите процеси кои ќе доведат до зачувување на стабилноста на целиот регион. Тој објави и фотографии од средбата со двајца функционери во вилата „Мир“.
Претходно Лајчак и Ескобар ја посетија Приштина каде синоќа со премиерот Албин Курти разговараа за ситуацијата на Косово.
Лајчак по разговорот со Курти рече дека на Приштина и биле изнесени три барања – деескалација на ситуацијата на северот на Косово, брзо одржување на нови избори и враќање на дијалогот.
Тој изјави дека со Курти не е постигнат договор за одржување избори на северот на Косово. Ескобар изјави дека премиерот на привремените институции на Приштина Албин Курти има два дена да одговори на барањата на ЕУ и САД.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари