Вучиќ: Отворена е нова страница во заедничката иднина на Србија и БиХ
Српскиот премиер Александар Вучиќ денеска по средбата со членовите на босанското Претстедателство во Белград ијзави дека е „отворена нова страници во заедничката иднина“ на Србија и Босна и Херцеговина.
Како што јави Танјуг, Вучиќ на заедничката прес-конференција со членовите на Претседателствоот на БиХ, Драган Човиќ, Младен Иваниќ и Бакир Изетбеговиќ изјави дека нивните разговори минале во отворена и искрена атмосфера.
- Таквите разговири се најдобри, додаде Вучиќ.
Тој нагласи дека на средбата станало збор за реализација на конкретни проекти и за економски теми и дека е постигнат договор за организирање заедничка седница на владите на Србија и БиХ во текот на септември.
- Србија сака да ги има најдобрите можни односи со Босна и Херцеговина, потенцира Вучиќ.
Тој нагласи дека „веќе заборавил на нападот во Сребреница и дека е подготвен со пријателски тон да гледа на понатамошната соработка меѓу Србија и БиХ“.
- Раката на Србија е подадена и секогаш ќе биде подадена... Мојата порака и до Бакир и до Младен и до Драган е дека ова е и нивна куќа и дека секогаш се добредојдени во Белград и во Србија и дека треба да се чувствуваат како дома, порача Вучиќ.
Изетбеговиќ од своја страна изјави дека не може да има развој и стабилност на регионот без процес на помирување. Тој нагласи дека секое воено злосторство, независно врз кого е извршено, останува злосторство.
- Не е битно дали злосторството се случило во Сребреница или на некое друго место. Дали се убиени 8.327 или осум лица, злосторството е злосторство, изјави Изетбеговиќ.
Како што јави Фена, тој нагласи дека Сараево иако ги претрпело ужасите на војната, сепак имало сили да ги запре злосторствата врз Србите и да уапси неколку одметнати команданти.
По завршувањето на прес-конференцијата Вучиќ на своите гости им подари „пакет-корпи со српски производи“. Во два од пакетите, како што јави Танјуг, имало кафе, ракија, тегли со ајвар и џем и вино, а во еден наместо алкохол имало чај од чубрица.
Ново на Сител
-
Трамп: Маск направи фантастична работа додека беше шеф на Одделот за владина ефикасност
-
„Вдоми Љубов“ - фестивал посветен на вдомувањето на кучиња и одговорното сопствеништво
-
МПЦ-ОА одбележува 1700 години од Првиот вселенски собор на кој присуствувале и тројца македонски епископи
-
Полагањето на државната матура почнува денеска со првиот екстерен испит
-
Без вода Чаир, Топанско Поле, Автокоманда, Железара, Бутел и Визбегово
-
Денеска и утре во Скопје авионска дезинсекција против комарци
-
Сончево и потопло, попладне можен краткотраен дожд и грмежи
-
Македонските фудбалерки со бод од гостувањето во Летонија ја завршија Лигата на нации