Вучиќ-Орбан: Унгарија и Србија може да сметаат една на друга
Целиот свет го чека многу тешка зима, а луѓето овде тоа не го гледаат, бидејќи ништо не недостасува и кризата суштински не се чувствува, изјави српскиот претседател Александар Вучиќ на отворањето на Меѓународниот земјоделски саем во Нови сад со унгарскиот премиер Виктор Орбан, кој исто се согласи со оценката за тешка зима, порачувајќи дека двете земји во претстојната криза можат да сметаат една на друга, јави дописиникот на МИА од Белград.
-Го прашав премиерот Орбан дали можеме да складираме дел од енергенсите во Унгарија, бидејќи немаме капацитет, а тој за една секунда ми рече дека нема никакви проблеми, рече Вучиќ.
Ако нешто не се промени во конфликтот во источна Европа, речиси четвртина од светот ќе има потреба за основни количини храна, што ќе создаде нови проблеми, предупреди Вучиќ.
-Секогаш кога требаше Орбан се бореше за нас, не се тргаше на страна, туку ја штитеше Србија. Пред неколку дена со Србија во Брисел беше министерот за надворешни работи на Унгарија, се разбира по налог на премиерот Орбан, тие никогаш не се тргаа на страна, туку и помогнаа на Србија, и тоа граѓаните на Србија не смеат да го заборават, рече Вучиќ.
Орбан изјави дека е задоволен што Унгарија и Србија можат да сметаат една на друга во ситуација на галопирачка инфлација во Европа, глад во светот, раст на цените и воениот конфликт во Украина.
-Добрата вест е што, врз основа на претходните разговори, Унгарија може да смета на Србија, а Србија на Унгарија, бидејќи и двете земји се силни во земјоделството и ќе бидат безбедни кога станува збор за гасот и прехранбените производи, рече Орбан.
Тој ги критикуваше санкциите што ги воведе ЕУ кон Русија.
-Унгарија не се согласува со економски неприфатливите мерки донесени во Брисел, кога станува збор за зголемување на цените, не се усвојуваат санкции кон Русија кои се еднакви на атомска бомба, бидејќи во тој случај нема да можеме да го нахраниме нашиот народ, туку ќе имаме маса на мигранти на границите, порача унгарскиот премиер.
Ново на Сител
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф