Вучиќ: Инсистирав на средбата со Лајчак за формирање на ЗСО
Претседателот на Република Србија, Александар Вучиќ, денеска се сретна со специјалниот претставник на Европската унија за дијалог меѓу Белград и Приштина и други регионални прашања на Западен Балкан, Мирослав Лајчак, јави дописникот на МИА од Белград.
Во соопштението од Службата за соработка на српскиот претседател се наведува дека „Вучиќ посочил дека Србија е секогаш подготвена за дијалог, за почитување на се што е потпишано и договорено и повторил дека Србија се залага за деескалација, мир и стабилност, кои се неопходни за да се обезбеди опстанок на Србите во Косово и Метохија“.
-Претседателот Вучиќ на денешната средба инсистирал на формирање Заедница на српски општини (ЗСО), а се разговарало и за други важни теми во рамките на дијалогот меѓу Белград и Приштина, се наведува во соопштението.
Претседателот Вучиќ уште еднаш детално го информираше специјалниот претставник на ЕУ за тежината на ситуацијата со која се соочуваат Србите, и северно и јужно од Ибар, изразувајќи надеж дека ќе се постигнат резултати во понатамошниот процес на дијалогот.
Директорот на Канцеларијата за КиМ, Петар Петковиќ, на прес-конференцијата по средбата меѓу српскиот претседател Александар Вучиќ и специјалниот пратеник на ЕУ Мирослав Лајчак, на која присуствуваше и тој кажа дека „ја прифативме поканата на господинот Лајчак за два дена да се сретнеме во Брисел, каде ќе продолжат разговорите меѓу Белград и Приштина.
Нашата страна е многу подготвена и оди со специјален тим од експерти каде што ќе разговараме за текстот на статутот на ЗСО што е прв конкретен чекор кон формирање на Заедницата на српски општини“.
Ново на Сител
-
Исчезнатиот Миле забележан на Серта: Исцрпен и ослабнат, побегнал во шумата кога му се обратиле!
-
Поднесено обвинение за убиство при семејно насилство во Кавадарци
-
Димитриеска Кочоска: Досега од буџетот се обезбедени 30 милиони денари за настраданите во Кочани, а исплатени се 11,2 милиони
-
Славески: Ќе ја оправдам довербата, а оние кои имаат забелешки ќе ги убедам дека Народна банка била и ќе остане неазависна
-
Кривична против 2 лица од Скопје, пронашле платежна картичка и ја искористиле 30 пати
-
38-годишник пронајден починат во семејна куќа во Гевгелија
-
Приведен 27-годишник, ја нападнал поранешната партнерка и случајни минувачи
-
Сообраќајна несреќа помеѓу автомобил и мопед во Скопје, мотоциклистот се здобил со тешки телесни повреди