Втора недела од изборната кампања
Партиите, коалициите и независните кандидати денеска со митинзи и средби со граѓани ја почнуваат втората недела од изборната кампања.
Денешните активности коалицијата „Живот во Македонија“ предводена од СДСМ ќе ги почне со средби со граѓани во Лозово, Градско и Чашка, а вечер ќе одржи митинзи во Свети Николе и Велес.
Карванот на Коалицијата „За подобра Македонија“ предводена од ВМРО-ДПМНЕ ќе одржи средби со граѓани во Пласница и Демир Хисар, а вечерните митинзи се закажани во Македонски Брод и Кичево.
Демократската унија за интеграција (ДУИ) ќе одржи митинзи во Боговиње и Врапчиште.
Движењето Беса денеска попладне ќе имаат средба со граѓани во општина Долнени.
Кампањата за првиот изборен круг ќе заврши на 13 октомври во 24 часот.
Шестите локални избори во Македонија се закажани за 15 октомври, а ќе се спроведуваат на 3.480 избирачки места во 80 општини и во Градот Скопје.
Вториот круг од изборите е закажан две недели подоцна, на 29 октомври. Изборната кампања за вториот круг завршува на 27 октомври во 24 часот.
Ново на Сител
-
Тема на денот со Весна Бендевска, потпретседателка на ЗНАМ
-
Гаши поднесе оставка во Алтернатива, утре ќе биде избран за собраниски спикер
-
Заседава раководството на СДСМ - Ковачевски нема да се кандидира, неколкумина подготвени да влезат во трка
-
ДИК го отфрли приговорот на ДУИ
-
Претседателката ќе го почитува Уставот
-
ВМРО-ДПМНЕ, Вреди, ЗНАМ пред финален договор - распределени министерствата и претседател на Собранието
-
ДИК одлучува за гласањето во Желино
-
Пукање на Пластичарска: Еден загинат, двајца ранети