Врвот на заразата од корoнавирусот во Германија се очекува дури во јуни
Пикот на заразата од коронавирусот во Германија може да се очекува дури во јуни, пресметале научниците од Универзитетот „Јоханес Гутенберг“ во Мајнц и на Универзитетот во Хамбург.
Во време на врвот на кризата со коронавирусот може истовремено да заболат околу 1,3 милиона лица, тврдат научниците.
Завршувањето на епидемијата во Германија се очекува дури во август.
Министрите за внатрешни работи на сојзуната држава и на покраините, преку телефонска конференција, се усогласиле дека ограничувањата на слободата на движење и на контактите треба да останат во сила.
Како што соопшти владата на покраината Тирингија, тие истакнале дека мерките мора доследно да се применуваат.
Претседавачот со конференцијата на министри за внатрешни работи, министерот од Тирингија, Георг Мајер, укажал дека преземените мерки допрва треба да почнат да делуваат и покажат резулатти.
-Се уште нема сигурни бројки дали и како тие делуваат, па затоа во овој момент нивното укинување не доаѓа во предвид, порача Мајер.
Германскиот министер за внатрешни работи Хорст Зехоф апелираше до граѓаните да се приддржуваат до воведените мерки бидејќи тие спасуваат човечки животи.
Ново на Сител
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр
-
Дел од туристите пребирливи во своите барања на одмор
-
Преглед на вестите од светот