Времен режим на автопатот Скопје - Куманово кај Миладиновци
Од 11:00 часот, на десната коловозна лента на автопатот Скопје - Куманово воведена е времена измена на режимот на сообраќај при што во должина од 1.000 метри (пред НС Миладиновци до НС Миладиновци), сообраќајната лента за принудно запирање и сообраќајната лента за возење ќе бидат затворени, додека сообраќајот се одвива по левата сообраќајна лента за претекнување.
Како што соопштија од АМСМ, сообраќајот на останатите државни патишта се одвива непречено, по суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се
однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Од 1 јули до 31 август на државните патишта во земјава стартуваше летниот времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни: петок од 17:00 – 22:00 часот, сабота од 09:00 до 18:00 часот и недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали: петок од 15:00 – 22:00 часот, сабота од 07:00 до 12:00 и од 18:00 до 24:00 часот и недела од 07:00 до 22:00 часот.
Патниот правец Охрид – Ресен, преку националниот парк Галичица од 1 април, годинава, е пуштен за сообраќај за сите видови возила со вкупна тежина до 3.5 тони.
Ново на Сител
-
Јаневска: Учебници ќе има за сите предмети, освен за странски јазик
-
Возач од Струмичко вршел јавен превоз на патници без лиценца
-
Приведен маж од Тетовско, пронајдена голема количина стока без соодветна документација
-
Рељиќ елиминирана во четвртфиналето на ОИ
-
Јаневска: Наставниците во март следната година ќе добијат 12 отсто покачување на плата
-
МВР постапува по барање од астриските власти за проверка на 19-годишникот осомничен за планиран терористички напад во Виена
-
Укинат пролетниот распуст за учениците
-
Сакале да убијат што повеќе луѓе, Беран А. по потекло од Македонија е првоосомничен за планираните напади во Виена