Живот
4. January 2021 - 18:10

Вработен во фабрика во Мерцедес добил отказ па со багер уништил над 50 автомобили

Поранешен вработен во фабриката на Мерцедес во Виторија украл багер од градилиште, ја пробил оградата на фабриката Мерцедес и уништил тукушто произведен автомобили.

Над 50 автомобили од моделите „Vito“ и „V-Class“ се сериозно оштетени, а штетата се проценува на повеќе од два милиони евра.

Во инцидентот нема повредени, со оглед на тоа што се случил кога погоните во фабриката не работеле.

Работникот се обидел да влезе и во произведствената сала за да ја оштети и скапата опрема за производство, но не успеал.

Она што е интересно е дека отказот не го добил сега, туку во 2017 година. Се претпоставува дека 38-годишникот подолго време ја подготвувал одмаздата.