Вонреден самит на ЕУ по грчкото „не“
Германската канцеларка Ангела Меркел и францускиот претседател Франсоа Оланд за утре свикаа вонреден самит на ЕУ посветен на Грција.
Како што јавија грчките медиуми, официјален Берлин соопшти дека двајцата лидери се договориле оти одлуката на на грчкиот народ „мора да се почитува“.
Грчкото Министерство за внатрешни работи синоќа соопшти дека врз основа на 71,86 отсто преброени гласови, „не“ гласале 61,53 од граѓаните, додека позитивно се изјасниле 38,47 проценти од гласачите.
На референдумот гласале 61,32 проценти од Грците со право на глас.
- Грчкиот народ денеска одговори на вистинското прашање. Грција од утре ќе се врати на преговарачка маса, но овој пат со прашање за реконструкција на долгот. Нема лесни решенија, туку фер и остварливи решенија, доколку ги сакаат двете страни, изјави синоќа грчкиот премиер Алексис Ципрас.
Ципрас синоќа по референдумот и телефонски разговарал со Оланд, но други детали не се соопштуваат.
Лидерот на најголемата опозициска партија Нова демократија Андонис Самарас по резултатите од референдумот поднесе оставка. Тој го повика заменикот претседател на партијата и поранешен спикер на грчкиот Парламент Евангелос Мимаракис привремено да ја води партијата.
Ново на Сител
-
Италија без Скалвини на ЕВРО2024
-
Казни за 99 возачи на територијата на Прилеп, 39 биле без возачка дозвола
-
Со МО до изборот на нов министер ќе раководи заменик министерот Јајага
-
СП: Декларација на ДУИ е дефокусирање на граѓаните и градење лажна надеж кај нивното членство
-
Српскиот претседател Александар Вучиќ прогласи победа на СНС на локалните избори
-
Сеул го суспендира воениот договор со Пјонгјанг поради провокациите со балони
-
Анкета во Грција: Нова демократија ќе биде убедлив победник на евроизборите в недела
-
Тројца загинати во судар на автомобили на наплатна рампа кај Ливорно, во италијанска Тоскана