Воени вежби на НАТО крај украинскиот брег на Црното Море
Во водите на Црното Море започнаа воени вежби во кои учествуваат САД, Украина и други земји, соопшти денеска прес-службата на Командата на украинската Воена морнарица.
Како што пренесува ТАСС, оваа година географската површина на маневрите познати под називот „Си Бриз" ќе биде значително зголемена. Вежбите ќе се спроведат во северозападниот дел на Црното Море, близу Одеската и Миколаивската област в Украина.
Во маневрите ќе учествуваат повеќе од 25 воени бродови од Украина, САД, Турција, Романија, Молдавија и Грузија. Маринци и командири ќе одработуваат „стабилизирачки дејствија при спроведување на операции во кризен регион по стандардите на НАТО".
Во рамките на вежбите, кои ќе траат до 30 јули, се предвидени симулации на морски и воздушен десант, искористување артилерија при контрадесантна одбрана, одбивање на напади од море со помош на инженерските единици, како и специјални задачи за обезбедување на крајбрежни региони.
Ново на Сител
-
Намален бројот на превезени патници во патниот сообраќај во првиот квартал
-
Денеска и утре нестабилно со пороен дожд
-
Почина 32-годишник, излетал од патот со автомобил
-
Општина Карпош демантира дека издала одобрение за забавниот парк кај „Борис Трајковски“
-
ССМ: Синдикална минимална кошница за мај 60.090 денари
-
Уапсени седум педофили во Србија, во становите пронајден детски порнографски материјал
-
Русија ги обвини САД дека сакаат да распоредат оружје во вселената
-
ОЈО отвори истрага против врховниот судија Георгиев и членот на Советот на јавни обвинители Мемети