Во земјотресот во Иран загина бремена жена, а стотина се повредени
Една бремена жена загина, а стотина лица се повредени во паниката по земјотресот со интензитет од 5,2 степени според Рихтеровата скала што синоќа ја погоди околината на Техеран.
- Повредени се 97 лица, 50 во Алборз, 34 во Техеран и 12 во Савех, изјави Мортез Салими, шеф на Агенцијата за спасување.
Иако земјотресот не предизвика големи штети на објектите, десетина илјади жители ноќта ја поминаа на отворено, плашејќи се од нов земјотрес.
Властите претходно ги повикаа жителите да останат смирени, но и да бидат подготвени за можни нови потреси.
Земјотресот бил на длабочина од седум километри под површината на земјата, со епицентар во Мешкин Дашт во провинцијата Алборз, на околу 50 километри западно од Техеран.
Според иранската државна телевизија, потресот бил почувствуван на многу места во северниот дел на Иран.
Силен земјотрес со интензитет од 7,3 степени минатиот месец уништи цели села и мали градови во западната провинција Керманшах, долж планинската граница со Ирак. Во потресот загинаа 600 луѓе, а илјадници беа повредени.
Ново на Сител
-
МВР со ВИДЕО од акцијата во која се запленети над 500.000 евра
-
Еврото најслабо од ноември 2022 година во услови на трговски тензии во САД
-
Арсенал ги здроби немоќните „граѓани“ во дербито на Премиер лигата
-
Мората: Галатасарај е единствената причина поради која дојдов во Турција
-
Едно лице загина во експлозија во станбена зграда во Москва
-
Доделени 67. Греми награди – доминацијата на Бијонсе продолжува
-
Повеќе од 200 земјотреси на Санторини
-
Трамп ќе воведе царини за европските стоки „многу скоро“