Во Виница одбележана 18-годишнината од загинувањето на капетанот Кирчо Димитриов
Поминаа 18 години од денот кога кај караулата во близина на селото Танушевци загина капетанот на АРМ, Кирчо Димитриов од Виница. По тој повод, Општинската организација на резервни офицери организираше панихида пред неговата биста во дворот на Општина Виница, а членови на семејството, претставници од Владата, од Армијата и од локалната самоуправа положија цвеќе.
Сеќавање на околностите што довеле до загинувањето на капетанот Димитриов, евоцираше Гоце Георгиев, претседател на Организацијата на резервни офицери од Виница.
– Смртта го затекна токму на 4 март 2001 година, на работното место кај месноста Рамно близу Танушевци, извршувајќи ги несебично и беспрекорно задолженијата и обврските од неговите претпоставени. Загина тогаш кога Македонија ги преживуваше најтешките моменти од својата понова историја, кога на татковината и беа најпотребни ентузијасти, градители, бранители. Со неговата смрт изгубивме човек за пример, но останува сеќавањето на почитуван граѓанин, за пример на младите генерации како се сака сопствената држава, истакна Георгиев.
Во рамки на одбележувањето на годишнината од загинувањето на капетанот Кирчо Димитриов, ученици од основните училишта во Виница се претставија со кратки рецитали, а обраќање имаше и градоначалникот Ивица Димитров.
Националниот координатор за прашања поврзани со здружението на бранители, Стојанче Ангелов најави поддршка од државата за организирање на традиционалниот турнир во мал фудбал, што годинава ќе се одржи по шести пат.
Ново на Сител
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица
-
Сиљановска Давкова помилува десет осуденици
-
Штрајк на наставниците во Грција