Во Урошевац уапсени двајца косовски Албанци осомничени дека шпионирале во корист на Србија
Косовската полиција денеска во градот Урошевац уапсила две лица за кои, според оперативните сознанија на Косовската агенција за разузнавање (АКИ), постои сомневање дека вршеле шпионажа во корист на Србија, објавија неколку косовски медиуми.
Како што јави дописникот на МИА од Приштина, медиумите наведуваат дека станува збор за косовски Албанци кои соработувале со Безбедносно-информативната агенција на Србија – БИА.
Извори од косовската полиција изјавија за медиумите дека уапсените работеле за структури на српската разузнавачка служба внатре во Косово.
Повеќето медиуми ги објавуваат иницијалите на уапсените – Б.Ш. и М.К., додека порталот „Папараци“, го открива и нивниот идентитет и наведува дека се работи за лицата Бедри Шабани и Мухарем Ќерими.
Акцијата водена од Управата за тешки злосторства при косовската полиција продолжува со претреси во имотите на осомничените, наведуваат медиумите.
Порталот „Газета експрес“ тврди дека едниот од упасените (не наведувајќи кој од двајцата) бил царински службеник во периодот 1990-99 година, додека по војната продолжил да ја врши функцијата цариник во времето на администрацијата на Мисијата на Обединетите нации во Косово, УНМИК.
Од полицијата сé уште нема официјална потврда на акцијата и апсењето.
Ново на Сител
-
Американската компанија „Вабтек“ нова странска инвестиција во земјава
-
Кривични пријави за пет лица за „злоупотреба на службената положба“ и две лица за „несовесно работење во службата“
-
Кога бев најпопуларна бев најтажна | Сузана Гавазова | Sitel Podcast 051
-
Локализиран голем пожар на територија на општина Прилеп
-
Прекин на сообраќајот на автопатот Прилеп – Битола порди сообраќајка
-
Изречени казни од над 350.000 евра за неправилности на плажи во Грција
-
Филков - Гир: Спроведувањето на реформската агенда приоритет на државата
-
Израелската војска ги повика Палестинците да се евакуираат од неколку населби на градот Газа