Во Турција се приведуваат граѓани кои носат маици со натпис „Херој“
Турската полиција во текот на минатата недела притвори најмалку 15 лица поради тоа што носеле маици со апликација „Херој“, за што властите претпоставуваат дека е скриена порака со поддршка за наводниот организатор на минатогодишниот неуспешниот воен удар, Фетулах Ѓулен.
Полицијата привела лица кои носеле црна маица со голем бел натпис на англиски јазик „Херој“, а под тоа пишувало „Хероите се бесмртни“.
Турските власти тврдат дека слоганот претставува скриена порака со поддршка за Ѓулен, муслиманскиот проповедник кој живее во САД.
На 13 јули еден од осомничените за учество во обидот за атентат за време на пучот, во судот е фотографиран во бела блуза со натпис „Херој“. Тоа предизвика бес на социјалните мрежи, чии корисници истакнаа дека тоа е навреда за 249 луѓе кои загинаа за време на неуспешниот воен удар.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка