Во Турција повторно воведен полициски час и задолжително носење маски
Турските власти воведоа обврска за задолжително носење маски во трите најголеми градови и ќе воведат ограничен полициски час поради студентските испити за да се спречи ширењето на коронавирусот, по порастот на нови случаи после повторното отворање на многу компании.
Гувернерите на Истанбул, Анкара и Бурса најавија дека маските ќе бидат задолжителни врз основа на препораките на научниот советодавен совет. Маските сега се задолжителни во 47 од вкупно 81 провинции во Турција.
Министерството за внатрешни работи соопшти дека полициски час ќе биде воведен утре и следниот викенд, кога студентите во цела Турција ќе полагаат испити. Министерот за здравство Фахретин Коча преку Твитер порача дека во сила ќе биде „ограничен полициски час“, во траење од неколку часа за да се спречат собири. Загрижените родители и студенти побараа испитите да бидат одложени поради пандемијата на Ковид-19.
Турција бележи пораст на бројот на нови позитивни случаи на Ковид-19, а Министерството за здравство соопшти дека во текот на минатиот месец, дневниот број на нови случаи е околу 600 само во Истанбул, кој е најнаселен град во земјата со 15 милиони жители.
Од почетокот на епидемијата се потврдени повеќе од 184.000 случаи во Турција, а починале 4.882 лица.
Ново на Сител
-
Најмногу дожд наврнал во Крива Паланка, најстудено утрово во Крушево
-
Неексплодирани убојни средства од Првата светска војна пронајдени во прилепскиот регион
-
Екстрадиран Љупчо Палевски Палчо, пренесен во Истражниот затвор во Шутка
-
Претставници на Западен Балкан, ЕУ и САД во Котор ќе разговараат за планот за раст на регионот
-
Премиерот Фицо е во свесна состојба
-
Заседание на Воениот комитет на НАТО на ниво на началници на генералштабови
-
Втор ден Самит „Македонија 2025“ со панели за справување со корупцијата, странски инвестиции, дигитализација
-
Во Србија уапсен човек поради закани кон претседателот на државата