Во транзитниот центар Гевгелија сместени 134 бегалци
Бројот на бегалците стационирани во Прифатниот транзитен центар Гевгелија, веќе неколку дена изнесува 134 вклучително со стотината кои заради подобри услови за сместување деновиве беа вратени од Табановце, информираа денеска од регионалниот ЦУК во Гевгелија.
Од епидемиолошката служба на гевгелискиот подрачен центар за јавно здравје, информираа дека во транзитниот центар било пријавено сомнение за појава на шуга кај неколку мигранти кои биле вратени од Табановце. Во конкретниот случај се работи за петчлено семејство од Ирак кај кое по извршениот преглед заболувањето е конфирмирано. Заболените се веднаш ставени во посебен објект и тие се наоѓаат под постојан епидемиолошки надзор кој ќе трае до потполно исчезнување на симптомите на болеста.
Во центарот Гевгелија беше извршена дезинфекција и дезинсекција на објектот во кој се сместени заболените, а истовремено беше извршен преглед и на сите мигранти заради преземање неопходни превентивни и евентуално терапевтски мерки во случај на постоење шуга и вошливост.
Ново на Сител
-
Анчелоти: Нејмар е исклучително важен за нас, тој мора добро да се подготви за Светското првенство
-
Русија казнила 20.000 војници кои одбиле да се борат во Украина
-
Мицкоски: Треба да се провери дали има кривична одговорност за пописот
-
Од есен нова инвестиција од 36 милиони евра во индустриската зона Штип, вработувања за 150 лица
-
УЈП ја започнува дигиталната трансформација на даночниот систем со е-Фактура
-
Во првото тримесечје од годинава, 391 новоевидентирани жртви на насилство во земјава
-
Две лица сакале да му пратат дрога по пошта на затвореник во КП Штип
-
Попладне и вечер облачно со краткотрајен пороен дожд