Во Тетово посебен сообраќаен режим поради одбележување на Денот на НАТО
СВР Тетово соопшти дека денеска, од 9 до 17 часот во градот ќе има посебен сообраќаен режим поради одбележување на Денот на НАТО и четири години полноправно членство на Република Северна Македонија во Алијансата. На градскиот плоштад во Тетово ќе биде организиран настан во организација на Министерството за одбрана.
-По повод 17 март Денот на НАТО и четири години полноправно членство на Република Северна Македонија во оваа организација, на Градскиот плоштад во Тетово ќе се одржи техничко-тактички збор, чиј носител е Министерството за одбрана. Со цел непречено и безбедно да се одвива техничко-тактичкиот збор и сообраќајот во централното градско подрачје, СВР Тетово од 9 до 17 часот ќе воведе посебен сообраќаен режим. Одвивањето на сообраќајот на овие улици ќе го регулираат полициски службеници, а до возачите се апелира целосно да ги почитуваат нивните наредби и насоки и да имаат трпение и разбирање за измените на сообраќајниот режим, информираат од СВР Тетово.
Во овој период ќе биде дозволено движење на возилата по улица „Илинденска“ до кружниот тек со улица „Маршал Тито“, по улицата „Тодор Циповски-Мерџан“ до крстосницата со улицата „Страшо Пинџур“, по улицата „Страшо Пинџур“ до крстосницата со улицата „Никола Тесла“ и по улицата „Маршал Тито“ до крстосницата со улицата „Јане Сандански“.
Ново на Сител
-
Претседателката Сиљановска Давкова ќе ги прими поглаварите и претставниците на верските заедници
-
Најмногу дожд наврнал во Крива Паланка, најстудено утрово во Крушево
-
Неексплодирани убојни средства од Првата светска војна пронајдени во прилепскиот регион
-
Екстрадиран Љупчо Палевски Палчо, пренесен во Истражниот затвор во Шутка
-
Претставници на Западен Балкан, ЕУ и САД во Котор ќе разговараат за планот за раст на регионот
-
Премиерот Фицо е во свесна состојба
-
Заседание на Воениот комитет на НАТО на ниво на началници на генералштабови
-
Втор ден Самит „Македонија 2025“ со панели за справување со корупцијата, странски инвестиции, дигитализација