Во Србија регистрирани 71 нови случаи, нов смртен случај, вкупно заразени 528 лица
Во Србија во изминативе 24 часа, од 259 новотестирани, позитивни на коронавирусот се 71 лице, со што вкупниот број на заразени се искачи на 528 лица, изјави на денешната владина прес конференција заменик директорката на Инститиутот за јавно здравје „Батут“ Дарија Кисиќ.
Во последните 24 часа хоспитализирани се 48 заболени, вкупно 45 лица кои се водат како тешки случаеви ставени се на респиратор, а 42 лица по двојниот тест на короновирус се оздравени и отпуштени од болниците.
Како што јави дописникот на МИА од Белград, Кисиќ кажа дека денес почина уште едно лице, 59 годишен маж од Ваљево, кој првите симпоми на вирусот ги има добиено пред четири дена. Со тоа билансот на починати лица од коронавирус во Србија се искачи на 8 лица, со што според досегашната евиденција смртноста од вирусот во Србија изнесува 1, 52 проценти.
На прес конференцијата Кисиќ кажа дека според вкупно тестирани 1715 лица и бројот на заболени, „движењето на епидемијата може да се оцени како стабилно“, додека епидемиологот Предраг Кон кажа да во споредба со Италија, „Србија има 10% помал интензитет на болеста, која е на задоволително ниво“.
Во Србија коронавирусот е регистриран во 35 градови и според досегашните податоци најмногу заболени има во Белград-218 лица, Ваљево има 45, Чуприја 41, Ниш има 37 заразени граѓани, Нови Сад 40 заразени лица, Чачак 15, Крагуевац има 14 лица со потврден коронавирус, Крушевац има 14, а Кикинда, Врање, Ужице, Зајечар, Панчево и другите градови имаат помалку од 10 потврдени случаи.
И на денешната прес конференција епидемиолозите кажаа дека сите позитивни луѓе со лесна клиничка слика ќе мораат да бидат сместени во привремената болница на Белградскиот саем кој е подготвен со 3000 легла, како и во спортскиот центар Чаир во Ниш и на Новосадскиот саем.
Српскиот претседател Александар Вучиќ во 18 часот закажа прес конференција, на која се очекува да соопшти дали по препорака на лекарите ќе ги затвори Белград, Ниш и Ваљево поради големиот број на заразени лица, но и економските мерки преку кои Србија ќе се справи со последиците од епидемијата.
Ново на Сител
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп