Во Словенија во јануари регистрирани за третина повеќе умрени отколку во јануари 2020 година
Во Словенија во јануари годинава умреле 2.617 лица, што е за 32,8 проценти повеќе отколку во истиот месец од 2020 година и за 27,5 проценти повеќе од просекот за јануари во периодот меѓу 2015 и 2019 година, покажуваат податоците на Централното биро за статистика,што денеска беа соопштени во Љубљана.
Во три дена од јануари биле регистрирани по повеќе од 100 смртни случаи дневно, а највисоката бројка била на 17 јануари, кога умреле 111 лице, од кои 40 од Ковид-19.
Во првиот месец од 2021 година во просек имало по 84 смртни случаи дневно, значително помалку отколку во декември минатата година, кога таа бројка изнесуваше 104, пренесува Хина.
Меѓу умрените 71,7 проценти се лица постари од 75 години, што е за 36,4 проценти повеќе смртни случаи на ова возрасна група отколку во периодот од 2015 до 2019 година.
Според привремените податоци на Заводот за статистика, во јануари се родени 1.498 деца, за четири проценти помалку отколку во истиот месец во 2020 година.
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците