Во Скопје вчера 11 сообраќајки, осум лица полесно повредени
Сообраќајната полиција во текот на вчерашниот ден на подрачјето на Скопје изврши увид на вкупно 11 сообраќајни несреќи, од кои шест се со материјална штета и четири се со последица телесна повреда во кои со полесни повреди се здобиле осум лица.
Се случила и една незгода во која со тешки телесни повреди се здобил еден сопатник во патничко моторно возило, а со телесни повреди еден возач на патничко моторно возило.
Како што информираа за МИА од СВР - Скопје, во текот на изминатиот ден по спроведените контроли над учесниците во сообраќајот од страна на сообраќајната полиција, откриени и санкционирани се поголем број прекршоци.
Санкционирани се 16 возачи кои се движеле со брзина поголема од дозволената, четворица возачи го управувале возилото под дејство на алкохол и истите се исклучени од сообраќај, 10 возачи го управувале возилото без возачка дозвола, односно нерегистрирано, како и девет возачи кои за време на управување на моторното возило го користеле мобилниот телефон, односно не го носеле сигурносниот појас.
Со помош на специјалното возило пајак, во текот вчерашниот ден отстранети се 70 возила кои во поголема мера го попречувале нормалното одвивање како пешачкиот така и моторниот сообраќај.
Во рамки на проектот „Да ги заштитиме децата во сообраќајот“ денеска Одделението за превенција при СВР Скопје ќе реализира едукативни работилници во ОУ „Гоце Делчев“ кое се наоѓа на подрачјето на општина Аеродром.
Со почеток во 20:30 часот во Спортскиот центар „Борис Трајковски“ во рамките на СЕХА-лигата ќе се одигра меѓународен ракометен натпревар помеѓу РК Металург и РК Нексе, Хрватска. Со цел непречено и безбедно одвивање на сообраќајот, како и на овој вонреден настан, од сообраќајната полиција ќе бидат преземени соодветни мерки за сообраќајно обезбедување.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили