Во Скопје состанок на Мешовитиот парламентарен комитет РСМ ЕУ
Во Собранието на Република Северна Македонија денеска ќе се одржи Мешовитиот парламентарен комитет Северна Македонија ЕУ, со којшто ќе копретседаваат Соња Мираковска од македонскиот Парламент, и европратеникот Андреас Шридер.
На состанокот во Скопје треба да допатуваат европратениците Ирена Јовева, Марион Валсман, Владимир Билчик, Симона Балдасаре, Масимо Казанова и Илхан Ќучук, кој е и известител за Северна Македонија во ЕП.
Европратениците кои ќе допатуваат во Скопје пред почетокот на состанокот ќе имаат средба со спикерот Талат Џафери, како и поединечни средби со координаротите на пратеничките групи во македонскиот парламент и тоа со Јован Митрески, координатор на СДСМ, Никола Мицевски, координатор на ВМРО-ДПМНЕ, Арбер Адеми од ДУИ и Илире Даути од Алијанса за Албанците.
Состанокот, според агендата започнува на пладне а на него ќе присуствуваат и ќе имаат свои обраќања, заменик-претседател на Владата задолжен за европски прашања Бојан Маричиќ, амбасадорот Дејвид Гир, шеф на Делегацијата во Република Северна Македонија, во име на Европската служба за надворешни работи и Европската комисија и Илхан Ќучук, постојан известител на Европскиот парламент за Северна Македонија.
Главни теми на состанокот ќе бидат владеењето на правото, прашања поврзани со животната средина и здравјето, граѓанското општество и медиумите, добрососедските односи и регионалната соработка, а најавен е и извештај за сработеното во рамки на Жан Моне процесот. Се очекува европратениците во Скопје да разменат ставови во врска со односите меѓу ЕУ и Северна Македонија со претставници на на Владата на Северна Македонија, со претставници на на Европската комисија и European External Action Service.
Средбата, која ќе има три сесии, се очекува да заврши доцна попладнето.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок