Во Скопје 12 сообраќајки, еден потешко повреден
Еден сопатник е потешко повреден, а со телесни повреди се здобиле двајца возачи на патнички моторни возила и исто толку сопатници во една од вкупно 12 сообраќајни несреќи што се случиле изминатите 24 часа во Скопје.
Во седум сообраќајки со полесни телесни повреди се здобиле 14 лица, а четири поминале само со материјална штета.
Како што соопшти СВР Скопје, сообраќајната полиција санкционирала двајца возачи кои ги управувале своите возила под дејство на алкохол и веднаш биле исклучени од сообраќај. Тројца возачи поминале на црвено светло на семафорот, а девет возачи ги управувале своите возила по истекот на важноста на сообраќајната дозвола или без возачка дозвола. Осум возачи не се придржувале на ограничувањата, забраните и обврските изразени со поставените сообраќајни знаци.
Санкционирани се и пет пешаци кои поминале вон обележан пешачки премин, односно поминале на црвено светло на семафорот за пешаци.
Откриени се 28 непрописно паркирани возила. Со помош на специјалното возило „пајак“ отстранети се 54 возила.
Одделението за превенција заедно со „Училишната сообраќајна единица“ денеска ќе преземаат превентивни мерки од областа на сообраќајот, на улицата „11 Октомври“ на потегот од крстосницата со булеварот „Кочо Рацин“ до крстосницата со улицата „Јужен Булевар“ на подрачјето на општина Центар.
Ново на Сител
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса