Во Романија 34 лекари и 49 медицински сестри се заразени од коронавирусот
Триесет и четири лекари од регионалната болница Сучева, Северна Романија, се заразени со новиот коронавирус, соопшти Министерството за здравство на Романија.
Романското Министерство за здравство соопшти дека од вкупно 233 лекари во болницата, 34 се позитивни на коронавирусот и се сместени на клиниката за инфективни болести, а останатите се во 14 дневна домашна изолација.
Министерството за здравство, исто така, известува дека 49 медицински сестри и болничари од истата болница, исто така, се позитивни на коронавирусот и се хоспитализирани во градската инфективна болница.
Тимот на романското Министерство за здравство одлучи да ја претвори регионалната болница Сучева во место за лекување лица заразени со новиот коронавирус, откако ќе биде дезинфицирана.
Министерството одвои пет милиони леи ( еден милион евра) за продолжување на инвестициите и опрема за новата болница Фалтицени. Дирекцијата за јавно здравје во Сучева доби 750.000 леи (155.000 евра) за набавка на систем за молекуларни анализи.
Ново на Сител
-
Во Крива Паланка излезноста на изборите до 11 часот е 24,5 отсто
-
Штипјанец и скопјанка ги фотографирале гласачките ливчиња
-
Во Велес до 11 часот излезноста на изборите е 16,34, во Чашка 15,27, во Градско 20,62 проценти
-
Ангеловски: Пронајдена испукана димна бомба на гласачко место во Скопје
-
Излезноста до 11 часот на избирачките места во Кочанско е околу 13 отсто
-
Сончево, попладне со услови за краткотраен дожд
-
Излезноста до 11 часот е 12.78 отсто
-
Платил преку интернет 21 илјада евра за роба која не стигнала, измамен тетовец